جہاں میں جا بجا اک بے خودی ہماری ہے

جہاں میں جا بجا اک بے خودی ہماری ہے
خود اپنے آپ سے رسہ کشی ہماری ہے
جو آپ دیکھ رہے ہیں ہمارے باطن میں
ہنر نہیں ہے یہ، بے پردگی ہماری ہے
گھڑی گھڑی کی خبر ہے ہمیں بھی اندر کی
کسی کے دوست سے بھی دوستی ہماری ہے
اٹھائے پھرتے ہیں گردن میں آپ سریے کو
یہ کچھ نہیں ہے فقط بے حسی ہماری ہے
لیا نہیں ہے کسی سے ادھار سانسوں کا
ہماری زندگی کی ہر گھڑی ہماری ہے
تمھارا شہر ہے، یہ خوب جانتے ہیں مگر
تمھارے شہر میں اک جھونپڑی ہماری ہے
ملاپ ہو نہیں سکتا ہمارا اے منصؔور
اندھیرا آپ کا ہے، روشنی ہماری ہے

2190cookie-checkجہاں میں جا بجا اک بے خودی ہماری ہے
Facebook
Twitter
LinkedIn
Pinterest

:اس پوسٹ کو شیئر کریں

جواب دیں

اپنی استفسار کے لیے رابطہ کریں

اگر آپ کو کسی مدد یا معلومات کی ضرورت ہو، تو براہ کرم ہم سے رابطہ کریں۔ ہم آپ کی خدمت کے لیے دستیاب ہیں۔
تازہ ترین مضامین

نیوز لیٹر

تازہ ترین معلومات، خبریں اور مفت بصیرت حاصل کرنے کے لیے ہمارا نیوز لیٹر سائن اپ کریں۔